ઘૂંઘટે ઢાંક્યું રે.

ઘૂંઘટે ઢાંક્યું રે એક કોડિયું ,

હે હું તો નીસરી ભરબજારે જી,,,

 હે લાજી રે મારું મારો સાહ્યબો ખોવાણો

કોને કહું આવી વાત્ય જી...

 ઘૂંઘટે ઢાંક્યું રે

ટોડલે ટોડલે મેં તો તોરણો બાંધ્યા,

મારી મેઢિયું ઝાકઝમાળ જી..

હે જોબન ઝરુખે રૂડી ઝાલાર્યું વાગે

ઝાંઝર ઘૂંઘર માળ જી..

ઘૂંઘટે ઢાંક્યું રે..

રાત ઢળી ને ઘેરા ઘડિયાળા વાગ્યા

અને પ્રાગડના ફૂટ્યાં દ્વાર જી..

હે તોય ના આવ્યો મારો સાયબો સલૂણો

જાગી આઠે રે પ્હોર જી..

ઘૂંઘટે ઢાંક્યું રે..